Sahʊwɛ kǝbaja bʊjeɖu SIL kaatǝnleeɖu

Aɖɩtɛnɛɛ afɔnɔ ‘aŋɔrɔ tǝb-n’ʊɖǝn kaja ‘ɩshilé tǝb-n’ʊɖǝn kʊja ʊ lee ka ʊshilé nɖee ɩyofo mbaɖee ba ɖa ashee gɩkrǝ ba na yɩɖa waa sahʊwɛ ma, kǝbaja ba jeɖe SIL kaatǝnleeɖu ma.

Bayɔkɔlaaja Mumuni, Mustafa na Martɛɛŋ bʊlǝufana ashee ayɔkɔlaaka na Mɔrgaan.
Bayɔkɔlaaja Mumuni, Mʊstafa na Martɛɛŋ bʊlǝufana ashee ayɔkɔlaaka na Mɔrgaan.

Bʊkɔɩ bʊ pɩ na pɩ ma na waa, ba tɩ kpeɖe gaja kɩŋɔrɔ kagʊbɔ gʊfɔlɩ ashee gaja ŋgaɖee ga tʊ waa ma (2014). Na ba sɔlɔ waa, SIL Bashɩɖɩ kaŋkulo kǝbayɔkɔlaaja ba kâŋa na pɩ ashee ayɔkɔlaaka.

Na ba man asǝ atǝn na bayɔkɔlaaja alǝ afana ɖaa ba na yɛɛ ba lêe ntǝma nɖe ma. Na ba lee ntǝma nɖe ashee pɩ, bɩcine ɩ kǝr na ntǝma nɖe, na ba shee bayɔkɔlaaja baɖe nsala apɩ.

Malookiya IBRAHIM INUUSA

Laisser un commentaire