Ɩjikpaka kaŋɔrɔ ‘ʊshilé akoo-n’ʊɖǝn kʊja, Gaja kotoku-banyɩʊ-n’akoo-n’ɩkolom. Ʊshilé ɖe ʊ lee ɩkrǝ ba ŋʊm n’atʊ ma, kajɩŋgaarɩ kʊshilé.
Atʊ, GʊGʊ kaŋkulo, ɩ lee ʊciŋkǝrka na ashee atʊ gɩ jâŋ n’atɩkrǝ, ɩ pala ʊshilé ɖe gɩ lee gʊcǝrá ŋgʊɖee gʊ na faa wàà, atɩkrǝ ɩ sim ba jaŋ na ɩ ma.
Gʊcǝrá gʊɖe kʊ gǝŋ n’atɩgɩkrǝ anii. Gɩ tɔɔtɔɔ gʊcǝrá gʊɖe kʊ alee n’atɩgɩkrǝ anii kabʊlipi. Ŋǝ̂ ma bʊkɔ́ɩ ɩ ɖoo ma. Gaja ga cê n’atɩgɩkrǝ ŋyɩɩ awu ɖaa wáá ma.
N’ʊtʊr ʊsoŋsono ma.
