Ʊyɛʊ kaŋkulo kʊwalʊ tǝb-n’ɩnyɩʊ kʊja

Asiibi afɔnɔ ‘aŋɔrɔ anyɩʊtaja ‘ʊshilé ganaana kʊja ʊ lee ka ʊshilé nɖee ʊyɛʊ kaŋkulo n lee kʊwalʊ tǝb-n’ɩnyɩʊ kʊja ma.
Ʊwalʊ ɖe nɩ, bʊkɔɩ gɩ lee ma na gǝŋ ŋkɔnta kɩkɔɩ nɖe :
ʊpelu (+)
ʊfaaʊ (−)
ʊyʊgʊ (÷)
akpala (×)
ɩ lee koo ɩ ɖoo (=). Ɩ ta jɩ̂ waa ʊfaaʊ kaŋkɔnta nɩ na, ɩ saa (=).
Gɩ boŋo ma, na gɩ yɛɛ bʊlei bʊɖǝn ɖaa gafala koo gafalɩjala [famille] gɩfɔnɔ nɩ ; bʊŋʊma, gafala gabʊmbɔnɔ [grande famille] ; gɩmompi [clan] ; gɩkrǝ [tribu/ethnie] ; n’ɩkɛɛshɩɩ ɩfɔlɩ ɩɖǝn acǝŋǝ…

Gani kaŋkǝm na gɩ lee asheesheeyɩɖa.
Ʊkɛɛshɩɩ : Atarʊwa, Akime, Jeriwo na nɖee ɩ saa ma…

Gani ga fǝl ma, na gɩ fʊba bʊkɔ bʊfɔlɩ. Bʊni bʊ gǝŋ gatǝna, gɩfɔnɔ nɩ [pays, nation] ; bɛrɛ, samaa, gɩfɔnɔ nɩ [population] ; ncǝmǝ na gɩfɔnɔ [groupe , équipe, foule].

Naa ʊwalʊ ʊ ye bon, gɩ lee ayɔkɔ nɖe acǝŋǝ :
[examen/concours] = caacaa, ʊkpaarɩɩ
[verset coranique ou biblique] = aaya.

Naa aye boŋo n’ayɔkɔ nɖee gɩ naa na lee shika kʊŋɔn ma. Ɩni nɩ gǝŋ :
akookoo [vingt vingt] koo [100 F 100 F]
ɩnyɩnyɩʊ [deux deux]
Ɖoo gɩ cee na ŋɔn ɩ na na paɖapaɖa ; ama ʊwalʊ ɖe nɩ, gɩ tɩ́ ri waa gɩ naa ŋɔn ɩ na cǝra.

Ŋkulo n ɖa bʊliŋɔnka gɩshɛbʊ kʊyɛʊ nɩ
Ŋkulo n ɖa bʊliŋɔnka gɩshɛbʊ kʊyɛʊ nɩ
Malookiya IBRAHIM INUUSA

Laisser un commentaire