GʊGʊ akolontaja ‘ʊɖuú

AtaGʊGʊ akolontaja a ɖoo nnyǝmǝ. Ɖoo gaja ŋgaɖee ga fǝl wáá ma, kɩŋɔrɔ ɩboŋoka nɩ na gɩ cee kpeɖe ashee ataGʊGʊ ɖe ‘ʊɖuú. Ama atǝma ɩfɔlɩ ɩ tɩ kǝl atʊ, ɩ pala GʊGʊ ɖe k’a cee tɩ́ ɖoo na. Bʊkɔɩ gɩ pala na lee ma, na gǝŋ bʊlinyaʊka na kɩmaana kambʊpa gɩ na yɩɖa wàà  [Dictionnaire] ma, n’atɩgɩkrǝ anii, n’atǝgatǝnleeɖu kɩlaabaarʊ [blog].

Nuhum na Karim

Gacalaɩ arɩsǝma a lee ka ʊshilé nɖee gɩ laa nɩ ma. Ama aɖɩtɛnɛɛ gajaka jɩ gɩ ɖoo na nɩ gbagbaraa ashee atǝbatʊrka. Ʊrɔŋ wáá, atǝbasoro ba ɖa GʊGʊ ɖe kʊparʊ nɩ atǝbʊpapiri mbʊɖee bʊ na lǝ atɩgɩkrǝ anii ma.

GʊGʊ 06

Malookiya IBRAHIM INUUSA

Laisser un commentaire