Ʊyɛʊ kaŋkulo

Ɩŋɔrɩnyɩnyɩʊ kasiibi aboŋoka, baŋono na SIL kaŋkulo ba tɩ lee ʊwalʊ atɩgɩkrǝ anii laŋ na yɛɛ kaŋyɩɩ kʊceu. Asiibi gacalaɩ, afɔnɔ ‘aŋɔrɔ 9 kaja ‘ʊshilé 14 kʊja na baŋono na SIL kaŋkulo ba wala SIL kaatǝnleeɖu Bashɩɖɩ.

Ntǝma nɖee ŋkulo n lee ma na gǝŋ waa, gɩ yɛɛ ayɩɖa ɩɖǝn kaashɩ n’ atɩgɩkrǝ anii. Ayɩɖa ɖe nɩ gǝŋ “Antarctique”,“île” na “Australie” gɩfɔŋkrǝ nɩ na gǝŋ. Ʊyɛʊ nɩ na gɩ tɩ́ tɔɔ waa, gɩ tɩɩ naa yɩ̂ɖa “Antarctique” waa : “Gataltotǝna”, île waa : “gatukǝltǝna”, “Australie” waa : “Ɔstraliya”.

Niya nɖee gɩ tɔɔ naa ayɛɛ ayɩɖa ɖe ma na waa, gɩ sɔlɔ gɩ ŋɔ̂n abʊsaʊ ɩɖǝn ashee ɖulinya kɩla ba na yɩɖa na gɩfɔnɔ waa “continents” ma.

Ʊyɛʊ kaŋkulo kantǝma
Ʊyɛʊ kaŋkulo kantǝma

Laisser un commentaire