GʊGʊ kaŋkulo kǝbɛrɛ baɖǝn ba ce ʊwalʊ Mɛɛrii

Alaamɩshɩ, afɔnɔ ‘aŋɔrɔ tǝb-n’ʊɖǝn kaja ‘ʊshilé ʊkolontaja na GʊGʊ kaŋkulo n laa bɛrɛ banyɩʊ ba ce ʊwalʊ ɖǝn Mɛɛrii, atɔɔ na bʊkɔŋkɔŋɔ cɩɩnɩ gajaka halɩ gaɖǝn gɩshilikɔnɔ. Bɛrɛɩ ba cǝ ma na gǝŋ ATI KALAM Hakiimu na ISIFU SƱMAANƱ Mʊstafa.

Galei ŋgaɖee laŋ Mɛɛrii kǝbatǝnleeja ba yɩɖa ʊwalʊ ɖe ma na gǝŋ : « Ʊlǝu afana n’atǝma kaasana. »

Mɛɛrii kɩwalʊ kaŋku nɩ
Mɛɛrii kɩwalʊ kaŋku nɩ

 

 

 

 

 

 

 

Kʊshilé ɖe, ʊwalʊ kanɖiyar a lǝ ŋgaɖee ga ɖa boŋo ma, n’a shee GʊGʊ kaŋkulo karɛ̀ ɖǝn ʊwǝlǝ a wala wala bʊkɔɩ ŋkulo n lee gakoloŋ ma, alǝ ashee pɩ. Kaŋkǝm na bɛrɛ mbaɖee ba ayɩɖa, ɖabanna atʊ ma : [MAEP], [AVOPHAB] na raaɖiyoo kanɖiyar, ba lǝ babʊja gboo.

Baa aŋa ‘ʊlǝu nɩ, a laa bʊkɔɩ bʊ na caarɩɩ pɩ ma afaŋa ; n’ʊwalʊ baja baɖe ba lǝ wàà, baɖe ba tǝ ba tɔ̂ɔ bʊlei bʊɖe bʊŋunii aɖʊ Mɛɛr agʊtɔ nɩ, naa ba yɔ̂ ɖaa ba sâra gajɩfɔlɩ ma.

Bʊkɔɩ bʊ pala ɩ san n’atʊ ʊwalʊ ɖe nɩ ma na wàà, ɖoo Mɛɛrii na raaɖiyoo ba cee ka na wala, ama nnyǝmǝ ba ɖʊ atʊ gboo ncǝn. Ɩ pra « Mɛɛrii-Raaɖiyoo-GʊGʊ ». Galaŋ, ʊwalʊ ɖe ʊ tʊʊ naa lêe ɩŋɔrɔ ɩriiriu kaŋkǝm.

Mʊstafa ISIFU SƱMAANƱ

Laisser un commentaire