Atʊsoro Malookiya ashiiye

Asiibi n’alahaɖɩ, afɔnɔ ‘aŋɔrɔ asǝbaka nɩ, gaja kotoku-banyɩʊ-na-tǝb-n’ɩnʊn, kɩshilé tǝb na tǝb-n’ʊɖǝn kɩja nɩ na IBRAHIMA INUUSA Malookiya ashiiye a lee. Asiibi na ba cǝʊ ŋku, naa akʊr alahaɖɩ.

Kʊshilé ʊsǝbaka, gajaka jɩ basǝmprǝ ba ɖoo asǝba ɩjɩʊ kabaamʊ kʊkpeɖu. Nɖee ɩ ɖa wàà ba lêe kpaarɩ bɛrɛ ba jɩ̂ ma, baɖǝn ba ɖa na lee ; gafala gaɖe ga ɖa cukùcukù, ɩɖe san na bɛrɛ. Na ce laasaarɩ katam na ba ce atɩ cǝʊ ʊsǝmprǝ ŋku agaɖu afal, naa lee atǝma nɖee ɩ saa ma.

Ʊshilé ʊnyɩʊtaja na ba ɖoo ace jiŋgiri nɩ atɩ kʊr shiiye, naa alee bʊci kpaarɩ. Bʊci bʊ bon ma, na ba ye ce na weetaʊ Leelatu ʊkúr Malookiya agaɖufal.

Malookiya n'akar Leelatu
Malookiya n’akar Leelatu

 

 

 

 

 

 

 

 

 

 

 

 

 

 

 

 

 

Ba shiiye cǝm naa aɖʊr, aɖʊwaa bɛrɛ ba yɔgɔ ba pɩ ma, ɩ san na baa aŋa. Gaja ga ɖʊ̂ shiiye ɖe albarka, naa aɖooɖoo Malookiya n’akar Leelatu, n »ɩyaalɩ bɩcine naa akaŋa na pɩ ba sǝ alaafɩya na rǝŋǝ na bawor ɖaa ɩ sim ma, naa alama baŋuro, aɖʊ bʊŋʊma ncǝn.

Mʊstafa ISIFU SƱMAANƱ

Laisser un commentaire