Anii kǝbaja bʊŋono Sʊwɛɖ nɩ a shɩ abʊpa ɩŋunii

Gɩ tɩ sala ʊŋono AKIME Awalɩ, a lee anii kǝbaja bʊŋono Sʊwɛɖ kaatǝna nɩ ma. Gɩ wa na nɩ mpá mbʊmbɔnɔ nɖee ba na yɩɖa wàà, Stɔkhɔlǝm ma.

Gɩ yɔ atǝbawor ma, ʊrɔŋ ɩ tɩ lee bʊja bʊnʊn. Katam ɖe nɩ, gɩ jeɖe nɩ agafala nɩ na gɩ lee ʊwalʊ ʊjala naa atʊr abʊpa ɩjala anii kagɩkrǝ nɩ.

Gakoloŋ a lee gasana páá, n’atʊ gboo gɩ lee gasana páá, ama gɩ ŋǝ atǝbawor ŋkǝlǝ́ nɖee gɩ wa alepree agarǝgǝɖu Stɔkhɔlǝm ŋkǝŋ ma. Ɩ san n’atʊ gɩ wa na nɩ ma. Gɩ lee faawɩɩ asoŋsono ɖaa atɩgɩkrǝ gɩ ce ŋyɩɩ ma. Bʊlifʊbafʊbaka bʊ cǝm páá.

Ʊŋono AKIME Awalɩ na TSASKƐ Martɛɛŋ ba wa na bawor alepree agarǝgǝɖu Stɔkhɔlǝm nɩ
Ʊŋono AKIME Awalɩ na TSASKƐ Martɛɛŋ ba wa na bawor alepree agarǝgǝɖu Stɔkhɔlǝm nɩ

Ɩ san na nɩ a ŋǝ abʊpa ɩfɔlɩ tuutuuma atɩgɩkrǝ nɩ ma, n’a shɩ abʊpa ɩŋunii kpaarɩ. A taa fâŋa abʊpa ɖe anii kǝbaja basaaka ba ɖa ŋkǝŋ ma.

GʊGʊ kaŋkulo n tɩ sala nɩ n’ʊciŋkǝrka. Ɩ lee ʊshilé afɔlɩ !

Stɛfani TSASKƐ

Laisser un commentaire