Abɔleeka GʊGʊ kaatǝnleeɖu

Afɔnɔ ‘aŋɔrɔ tǝb-n’ɩnyɩʊ kaja, a lee ka aŋɔrɔ nɖee nɩ GʊGʊ kaŋkulo n lee abɔ ɩfɔlɩ ɩtʊrka tuutuuma ma. Aŋɔrɔ ɖe nɩ, ŋkulo nɖe n ɖoo n’abɔ ɖaa tǝb-n’ɩnyɩʊ ma ; gaja kɩŋɔrɔ kagʊbɔ, n’ɩbii kagʊbɔ. N’abɔsʊra ɩfɔlɩ ka gɩ sǝ̂ra atam ɩŋunii na. Abɔ ɖe ɩŋunii kʊleu ʊ na lee GʊGʊ kaatǝnleeɖu jɩ. Kʊŋɔn na kantala ŋkǝka halɩ abɔ ɖe ɩ ɖôo, ka gɩ na ce na gaɖu gaɖǝn na lee na.

Ŋkulo n ɖa abɔleeka nɩ
Ŋkulo n ɖa abɔleeka nɩ

Laisser un commentaire