Anii kagɩkrǝ Sʊwɛɖ kaatǝna nɩ

Gaja kotoku-banyɩʊ-na-tǝb-n’ɩnʊn yofo ‘aŋɔrɔ anʊntaja, amʊ n’aŋkul TSASKƐ Martɛɛŋ gɩ ce Sʊwɛɖ kampá nɩ. Gɩ jeɖe atǝbasoro n’anii kǝbaja baɖǝn ba ɖa ŋkǝŋ ma.

Aɖʊwaa anii kǝbaja baɖǝn ba ɖa ŋkǝŋ ma laŋ, atʊ n’atǝbasoro gɩ sǝba bʊlinyaʊka na kɩmaana kambʊpa anii na Sʊwɛɖ kagɩkrǝ [dictionnaire anii-suédois].

Atʊsoro NILSƆN Katrin a kaŋa ka n’atʊ na gɩ sǝba ntǝma nɖe. Ʊshilé ʊsǝbaka gɩ lee ntǝma bʊlei ɩshɩnyɩʊ (40) laŋ. Gɩ sɔlɔ wàà, bʊlinyaʊka na kɩmaana kambʊpa nɖe n kâŋa n’anii kǝbaja mbaɖee ba ɖa Sʊwɛɖ ma, ba fâŋa babapi atɩgɩkrǝ anii gboo.

Martɛɛŋ na Katrin bʊlinyaʊka na kɩmaana kambʊpa anii na sʊwɛɖ kagɩkrǝ kantǝma nɩ
Martɛɛŋ na Katrin bʊlinyaʊka na kɩmaana kambʊpa anii na Sʊwɛɖ kagɩkrǝ kantǝma nɩ

Aɖʊwaa k’ɩɩ ɖa ŋkǝŋ na ma, gɩ tɩ gɩ lêe ntǝma nɖe cei cei. Gɩ tɩ sala Katrin ɖaa a lǝ wàà, aɖe taa kâŋa n’atʊ alee ntǝma nɖe ma. Gaja ga shêe laaɖa !

Stɛfani TSASKƐ

Laisser un commentaire