Yofo ‘aŋɔrɔ akolontaja ‘ʊshilé akoo kʊja, kagɩteŋshile jɩ atʊ mbaɖee gɩ ɖa Abɔleeka Kʊceruceru (AKƱ) kaŋkulo nɩ ma, gɩ cam atabɔ GʊGʊ kaatǝnleeɖu, SIL kaafala nɩ.
Ʊshilé ɖe na gɩ laa bʊkɔɩ gɩ na pɩ na lee SIL kaafala nɩ ma, afaŋa atǝbaya n’ atǝbana mbaɖee ba sǝra apɩ ashee atabɔcamka ɖe ma. Bɛrɛ baɖe gboo ba ŋǝ ɖaa koŋkaarɩ nɖee atɩntǝma nɖe kaɖi baja (TSASKƐ Martɛɛŋ n’ akar Stɛfani) ba na lee ashee atɩgɩkrǝ kaŋyɩɩ kʊceu ma. Kaŋkǝm na ba kɔɔ kʊma atʊ anii kǝbapi mbaɖee gɩ sǝra atɔɔ atɩcine ashee ntǝma nɖe naa asǝra alee njɩ bʊja bʊriu, halɩ atɩ na cam kabɔ ma.
Atʊ mbaɖee gɩ cam AKƱ kabɔ ɖe ma, gɩ pa bɛrɛ ganaana ; apele n’ atana BABA BƆƉƖ Saliimatu, ʊni a cam ka gʊbɔ ŋgʊɖee gʊ na faŋa wàà , a ɖa SIL kaatǝnleeɖu tam a lǝŋ ma ; na gɩ tɩ́ ɖoo bɛrɛ cɩɩnɩ.
Ba shee atʊ atabɔ aboŋo ma, na gɩ jɩ ʊjɩʊ naa anyem akana ɩsanka na baa aŋa na a ye shɛʊ.
Kʊshilé ɖe, jɩŋgaarɩ na páá ashee GʊGʊ kaŋkulo ŋŋunii.
[avatar user= »moumouni » size= »original » align= »left » /]