Gaja kotoku-banyɩʊ-na-tǝb-na-ganaana nɩ na gɩ laa faaba kambʊpá njala nɖǝn.
Ʊshilé ɖǝn na amʊga ʊsǝmprǝ a taba amʊ wàà, n yɔ faabacamka na kʊsheeu kafaawɩɩ aa ? Na n tǝlǝ ashee nɩ, n’a lǝ amʊ wàà, ma lêe kafaawɩɩ aŋɔn. Na n sǝba na ŋɔn. N boŋo ma, na n yɛɛ baŋono mbaɖee ba yɔ awu amʊ ma, ataba pɩ na ba kal n’amʊ gʊfaŋa. Na n shee atɩŋkulo nɩ kǝbɛrɛ baɖǝn ba tʊr.
Kaŋkǝm gɩ wʊɖa anii kʊyɛʊ kaŋkulo na n tʊr ashee pɩ ba rǝŋǝ na bani gboo ba kal n’amʊ gʊfaŋa.
Gɩ kɔɔ wʊɖa ayɔkɔ kǝbalaaja na n shee kʊɖǝn ba na yɩɖa wàà, ISIFU SƱMAANƱ Mustafa ma, n’ʊni a laa kɩfoto na gʊnyɛ.
Ɖaa ga sara naa n laa faaba kambʊpá njala nɖe ma na gǝŋ.
Ɩ ta naa yɛ̂ɛ faaba kambʊpá nɖe, kʊn ma mbɔlɔ nɖe http://gasana.org/wp/faaba-fr/
Amʊ na ISIFU SƱMAANƱ Rashɩɖa.
