Gɩ tɩ shee anii kasamaa aŋunii nsala. Alaarba afɔ́nɔ̀ ‘aŋɔrɔ ganaana kaja ‘ʊshilé tǝb-n’ɩnʊn kʊja, atateelee gɩ na yɩɖa wàà, Kanal 3 waama ma, kǝbaja ba pɩ atǝgatǝnleeɖu acam bʊlei.
Babʊlicamka nɩ, atʊ mbaɖee gɩ ɖa Gʊfaŋa Gʊfɔlɩ (GʊGʊ) kaŋkulo nɩ ma, ba taba atʊ bʊlei. Gɩ lǝ ashee pɩ ɖaa atatǝma ɩ na sara ma. Bʊkɔ́ɩ gɩ na lee kpataa ma, gɩ lǝ ashee pɩ naa afaŋa pɩ atayɔkɔɩ gɩ na lo na laa n’atɩgɩkrǝ anii kabɔ ma. Ba cam bʊkɔ́ɩ baa aŋa a na lee ma, aɖʊ teelee nɩ.
Gɩ lǝ bʊkɔ́ɩ bʊ lee kpatakɩɩ ashee atʊ ma, ashee pɩ.
Gɩ tɩ shee teelee Kanal 3 waama kanɖiyar n’abakǝŋja nsala.
Kîɖe ma bʊleiɩ ba cam ma, atɩya.
