Amaka a ŋʊm kokoli ma, bɔkɔɩ ɖeiɖei na gɩ lee sʊʊna. Ɩɖe tɩ lee afɔnɔ ‘aŋɔrɔ 7 kaja ‘ʊshilé 22 kʊja na gǝŋ. Gɩ ɖoo logita ma, na gɩ sǝba sʊʊna akpeɖeka. Ɩshilé ganaana ɖeiɖei na gɩ lee sʊʊna. Asǝba n’ʊshilé ɖe, atapi aŋyɩɖa njɩ gǝŋ ATI KALAM Abɖul Muhiɖ. Bɛrɛ tuutuuma ba lee Abɖul Muhiɖ gʊjɔɔ : afʊfɔɔ, ɩpɔɔɖa, ɩtoko n’ɩcogoto, akɔɖɔkɔɖɔ n’afu …
Ɩ lee ʊciŋkǝrka ʊbʊmbɔnɔ ashee amʊ n’amaka n’atapi. Gɩ tɩ shee bɛrɛ baŋunii nsala ; mbaɖee ba sǝra apɩ sʊʊna na mbaɖee kǝ ba sǝra apɩ na ma, gʊjɔɔ baja, nsala na koŋkaarɩ baja, arɛ̀ ɖǝn k’a saa na. Gaja ga sǝ̂la baa aŋa laaɖa naa alama Abɖul Muhiɖ aŋŋuro.
[avatar user= »hakimou » size= »original » align= »left » /]