GʊGʊ kaŋkulo n laa abʊpá ɩjala ɩɖǝn ashee batʊrka bafɔlɩ. Abʊpá ɩjala ɖe nɩ, Togoo kǝbaja ba kʊɖa ɩpi ganaana na bɩkrǝ kulumi. Nɖee ba kʊɖa ma, ɩ noo : “Alʊkɔ”, “Ŋŋɔŋku nɩ kayɔkɔ”, “Ɩyupi”, “Awaryɔkɔ”, “Bɛrɛ” apele n’abʊpá ɩjala nɖee atʊ gboo gɩ kʊɖa n’anii ma : “Caca caca”, “Nsookuluma” na “Mʊ pala ka ŋyufoi n mɩyɛ ?”
Ɩkrǝ kulumi nɖee ba kʊɖa na ma ma, ɩ noo : gɩtombija, Pagʊɖa kagɩbʊrja, Kàraa kagɩbʊrja, gɩbaasaarɩja, Lama kagɩja, gɩloosoja, na gɩsombaja.
Ba kʊɖa abɔ ɖe nɩ, naa ba sǝ̂ra na lo Kàraa kɩsukuru bajala nɩ.
Ɩ lee ʊciŋkǝrka ashee atʊ GʊGʊ kaŋkulo wàà, gɩ naa kaŋa n’ɩkrǝ ɩfɔlɩ gboo.
[avatar user= »moumouni » size= »original » align= »left » /]