Afɔ́nɔ̀ ‘aŋɔrɔ tǝb-n’ɩnyɩʊ kaja ‘ʊshilé akoo, gaja ɩkotoku-banyɩʊ-na-tǝb-na-ganaana na gɩ sǝba ɩcǝpǝrʊjala kʊlaaʊ atǝgatǝnleeɖu.
Ɩcǝpǝrʊjala ɖe nɩ afɔ́nɔ̀ a yɩɖa wàà, [appli]. Atɩcǝpǝrʊjala ɖe nɩ, gɩ wʊɖa atabʊpá ɩjala ɩtʊrka ɩɖǝn. Kaŋkǝm ɩ tɩɩ sǝ̂ra akǝ ʊwǝlǝ arǝŋǝ gboo.
Arɛ́ nɖee a sǝba alaa ɩcǝpǝrʊjala ɖe ma na, FAN ƉAM Marayɛ ; sáà nɖee a pɩ ʊyɔʊcamka atǝgatǝnleeɖu ma. Kaŋkǝm na a ye sǝba na faŋa atʊ ʊja.
Gaja ga pâla atɩgɩkrǝ gɩ cê ŋyɩɩ.
