Ɩkrǝ kaŋyɩɩ kʊceu kaŋkulo mbʊmbɔnɔ [Ministère de l’alphabétisation] n ta gʊyeeyee na Kʊtɔnʊ na jeɖe ɩkrǝ kaŋyɩɩ kʊceu nɖee ɩ ɖa atʊgʊsaʊ atɩya ma, ba ŋǝ̂ ɖaa batǝma ɩ na sara ma. Ba kpa Jugu ma, na nɖee a ɖa ŋkǝŋ ma, a lǝ pɩ wàà, baɖǝn ba ɖa Bashɩɖɩ.
Arɩsǝma afɔ́nɔ̀ ‘aŋɔrɔ anʊntaja ‘ʊshilé akoo-na-ganaana kʊja na gɩ cam pɩ gɩsaná alee faawɩɩ gɩshɛbʊ. Na ba lǝ atʊ ɖaa bʊkɔ́ɩ bʊ pala naa ba ta gʊyeeyee ma. N’ atʊ gboo gɩ lǝ pɩ atǝma nɖee gɩ na lee ma, naa afaŋa pɩ atǝgatǝnleeɖu.
Na ba shee atʊ ŋkɔ́lɩ nɖǝnɖǝn nɖǝnɖǝn na bɩkrǝ naa akʊɖa na gɩfɔŋkrǝ.
Gɩ boŋo ma, na gɩ laa foto. Ba noo ka ma : Ʊŋono Elii [Elie], ʊŋono Stefɛns [Stephens] n’ʊŋono AKLE Sɩɩlfɛɛŋ.
Aŋɔnka : ISIFU SƱMAANƱ Rachiɖa