Ɩ lee bɔkɔɩ apǝlmǝ na gǝŋ atalɔɔrɩbʊrja, bɔɔsʊ gʊyá kajayar a toŋo korona kabɔparaka na kɩbaashɩ mana aɖoo na Lʊmɛ akpa ashee atʊ ma. Ɩɖe lee SIL Togoo nɩ kǝbaja ba togo ka abɔ ɖe ashee atʊ.
Ba kpa na ma na ma, na gɩ laa ɩ atʊr ayɔ kagʊyá.
Gɩ boŋo ma, na gɩ pele ɩbaashɩ́ kakulu ɩlaŋaja naa gɩ ta kʊ̂r pɩ, gʊsǝrǝ gʊ pàá na tâa pɩ baa baɩ na.
Alaamɩshɩ kʊshilé na gɩ sǝba ʊparʊ ɖe Bashɩɖɩ ʊpacine nɩ.
Arɩsǝma, asiibi n’aɖɩtɛnɛɛ na gɩ para anii kapá nɖee ɩ saa ma nɩ, Togoo na Benɛɛ.
Galei ŋgaɖee ga ɖa ŋkǝŋ ma na wàà, baa aŋa a yɔ̂ wàà, ʊshɛɖʊ ɖe ʊ naa ɖa k’ʊ kana bon na. Galaŋ baa aŋa a kɔ̂ɔ na laakaarɩ na tɔjɩ agʊlɔ ɖaa ɩ taba ma, naa gɩ sǝ̂ra asǝ alaafɩya.
Gaja ga lǝ̂ŋ n’atʊ gʊmaŋga gʊɖe.
