Abʊpá kafaaɖe Ganaana

Abʊpá kafaaɖe Ganaana kanɖiyar
Abʊpá kafaaɖe Ganaana kanɖiyar

Gacalaɩ alaarba afɔnɔ ‘aŋɔrɔ asǝbaka ‘ʊshilé akoo-n’ɩnan kʊja, gaja ɩkotoku-banyɩʊ-na-tǝb-na-ganaana na gɩ boŋo abʊpá kafaaɖe Ganaana ɖe kayɔkɔ kʊpɛmpɛŋʊ.

Gɩ pele anii kabʊpá ɩfɔlɩ ncǝn, naa naa lige baa aŋa wàà, ɩkrǝ tuutuuma ɩfɔlɩ ɩ ɖa atafaaɖe ɖe nɩ ; kɩɖǝn nɩ gǝŋ : gɩɖafʊŋja, gɩtombuja, gɩyorubaja, gɩfǝlanɖɩja atɔɔ ace, n’ɩfɔlɩ ɖǝn. Ɩkrǝ ɩfɔlɩ ɖe kabɔ gɩ na yala ma, k’ɩ lee asʊ̀rá ɩŋunii nɩ gɩ wʊɖa na, kɩɖǝnɖǝn nɩ gɩ shɩ acǝkǝla naa arɛ̀ baa apaŋa na a ta kpâ abʊpá kafaaɖe Ganaana nɩ a pàá fâr akoɖǝn na. Ɩbiiblǝ na bʊŋǝ bʊtʊrka n’abɔ gboo, ɩ ɖa ashee bɛrɛɩ ba hɩyɛŋ ma.

Bɛrɛɩ ba hɩyɛŋ ba yɔ̂ anii kʊtʊr na kʊŋɔn ma, ba lêe koŋkaarɩ akim asǝla n’atʊ, ɩ tɩɩ ɖâ pɩ fɛɛ. Na gʊtɔ gʊɖʊka ma, Gaja ga ɖʊ̂ ɩkashɩ.

Mʊstafa ISIFU SƱMAANƱ

Laisser un commentaire