Asiibi gacalaɩ, afɔnɔ ‘aŋɔrɔ anantaja ‘ʊshilé kulumi kʊja na GʊGʊ kaŋkulo n laa bɛrɛ banʊn atǝm ba ce ʊwalʊ ɖe Togoo nɩ atoŋo na babɔ ɩyalaka.
Ba kpa ŋkǝŋ ma, na ba ce Kolomi kagʊpayarɩ agaɖu atɩ sala nɩ, naa asǝ anyaʊ babɔ bɩfǝlǝ nɩ. Ba boŋo ma, naa afǝl ʊwalʊ kaaɖu. Ɩ lee ʊwalʊ baja ba cee yɔ balaŋ ma, na ba saa pɩ aboí ɩsǝka.
Ɩ lee cei ma, n’ʊwalʊ kanɖiyar a cam ʊwǝlǝ alǝ bʊlei. Bɛrɛɩ ba cam ʊwǝlǝ ma, kǝbaɖǝn pɩ gǝŋ : Kolomi kagʊpayarɩ, Carashɩ kaPrefee, atǝr baɖǝn acǝŋǝ, n’atʊ gɩ ye cam gboo alǝ ɖaa bʊkɔ́ɩ bʊ na sara atɩgɩkrǝ anii kʊla laŋ ma. Alǝ ɖaa ayɔkɔ ɩfɔlɩ ɩ ɖoo n’atɩgɩkrǝ anii ma :
Abʊpá ɩtʊrka ɩfɔlɩ, ɩcǝpǝrʊ ɩjala ba na yɩɖa na gɩfɔŋkrǝ wàà [application] ma, naa bɛrɛ ba naa sǝ̂ra na tʊr atabɔ ɩnyipi nɩ, anii kɩkɔɩ kʊkpatɩ, n’atɩɩbii kagʊbɔ gʊfɔlɩ.
Ʊwalʊ ɖe ʊ cǝm ʊkiɖu páá, aɖʊwaa ba shee pɩ ʊwǝlǝ ba lǝ bʊlei, naa asǝra ayala abɔɩ ba toŋo ma, gboo cei. Gaja ga tǝ̂ n’atʊ gajɩfɔlɩ.
[avatar user= »moustapha » size= »original » align= »left » /]