Arɩsǝma afɔ́nɔ̀ ‘aŋɔrɔ asǝbaka ‘ʊshilé akoo-n’ɩnʊn kʊja, gaja kotoku-banyɩʊ-na-tǝb-na-cɩɩnɩ, na SIL Bashɩɖɩ kaɖi baja na babatǝnleeja banyɩʊ baɖǝn ba ce na babʊpá ɩtʊrka ɩjala ɖaa ɩpi ɩshɩriu-n’ɩnʊn ma, atɩ ɖʊ abʊpá ɩtʊrka kaafala gabʊmbɔnɔ ba na yɩɖa wàà KLAAK ma, nɩ.
Anii kabʊpá ɖe, ɩ lee ka nɖee ɩ ce atɩ pele n’ɩkrǝ nɖee ɩ cee ɖa ŋkǝŋ boŋo ma. Ɩkrǝ ɖe nɩ gǝŋ : gɩbarbaja, gɩɖafʊŋja, gɩyorubaja, gɩsombaja, Ajaa kagɩja na Uwemee kagɩja.
Ɩ lee ʊciŋkǝrka ʊbʊmbɔnɔ na ashee abʊpá kaafala gabʊmbɔnɔ kanɖiyar. Naa a lee ʊciŋkǝrka gboo ashee GʊGʊ kaŋkulo n’anii kapá.
GʊGʊ kaŋkulo n tɩ shee Gajaamatǝna kǝbaja mbaɖee ba shɩ abɔ ɖe gɩ ce atɩ ɖʊ KLAAK ma, nsala. Gaja ga shêe pɩ laaɖa, n’ʊtʊr ma.
Aŋɔnka : ALƐ ƉJƆBƆ Fuseeni