Yofo ‘aŋɔrɔ anantaja ‘ʊshilé tǝb-n’ɩriu kʊja na Koɖowar kǝbaja ba lee bʊwalʊ gaja kotoku-banyɩʊ-na-tǝb-na-ganaana kʊja.
Ʊshilé ɖe na ba ri wàà, ba sǝ̂ atǝn ayɛɛ bampá kaŋyɩɩ kʊceu. Baɖǝn ba sǝ atǝn ɖoo bʊkɔŋkɔŋɔ̀ cɩɩnɩ nɖee ba ɖʊ na gʊsǝtǝna ma, halɩ bʊkɔŋkɔŋɔ̀ tǝb-n’ɩnyɩʊ gajaka bɛrɛ kǝ ba tɩ́ ɖoo na. Baɖe ba ye cee yʊga abɔ nɖee ba lêe na ntǝma ma, boŋo. Bɛrɛɩ ba ɖa ŋkǝŋ ma, kǝ ba tǝ ba lêe ntǝma na ma laŋ, na ba tǝbǝ na gʊsǝtǝna ace na gajɩkʊɖaka. Ŋkǝŋ na bɛrɛ ba ta akɔɔ gaɖu gbagbaraa ba wala na lee ʊwalʊ ma, atɩ boŋo acǝrá acǝr naa akʊl ashee bɛrɛ wàà, gajɩkʊɖaka ba ɖôo gayifalfala nɩ asǝ atǝn ayɛɛ mpá kaŋyɩɩ kʊceu.
Ama ba shee atʊ, GʊGʊ kaŋkulo, ganɔ, gɩ lee faawɩɩ naa alaa atabɔ afaŋa pɩ.
