Arɩsǝma n’asiibi afɔ́nɔ̀ ‘aŋɔrɔ cɩɩnɩ kaja ‘ɩshilé tǝb-n’ɩnan na tǝb-n’ɩnʊn kɩja nɩ n’ʊyɛʊ kaŋkulo n lee kʊwalʊ 25 kʊja.
Ɖaa gɩ sǝba ɩwalʊ ɖe na pɩ ma, ʊwalʊ ɖe ʊ lee ka nɖee gɩ lee ɩshilé ɩnyɩʊ ɩwor laŋ ma, ɩ pala ntǝma n sara gɩshɛbʊ. Ʊshilé ʊsǝbaka gɩ lee atǝma tuutuuma ɖaa gɩ cee na lee ma, ama ɩ lee ɩshilé ɩnyɩʊ kantǝma ma, n sara awu ɖaa gɩ na lee ʊshilé ʊɖɔŋkɔnɔ ma.
Bʊkɔ́ɩ gɩ sǝba na ma gajaka ma na gǝŋ : gasana nɩ kabʊlipi mbʊɖe.
Kʊshilé ɖe nɔɔ na gɩ lee ʊfaŋʊ nɩ kabʊlipi mbʊɖe gboo:
ncé voyelle,
gɩpɛ consonne,
ʊtǝɖu syllabe,
galipi mot,
galei phrase,
galitomo paragraphe,
galikulo texte,
ʊbɔlɩkɔɩ chapitre,
galiɖi titre,
gɩkrǝ kagʊbɔ gʊcereka syllabaire,
na bʊlei tuutuuma bʊfɔlɩ bʊɖǝn acǝŋǝ…
saara, gʊkaa gɩfɔnɔ nɩ génération, promotionnaire.
Asiibi aŋɔrɔ cɩɩnɩ kaja ‘ʊshilé tǝb-n’ɩnʊn kʊja na gɩ tǝwǝ ʊwalʊ ɖe n’atǝma ɩfɔlɩ acǝŋǝ. Ʊwalʊ ɖe ʊ sara gɩshɛbʊ ɖaa ɩ sim ma, ɩ pala gɩ tɩ yɛɛ gɩ tǝ̂wǝ n’ʊwalʊ akoo-n’ɩkolom kʊja gboo, ɩ ta fana gɩ naa lee gǝŋ na ce.
