GʊGʊ kaŋkulo na ŋkulo nɖee n na yɛɛ anii kagɩkrǝ kaŋyɩɩ kʊceu ma

Asiibi afɔnɔ ‘aŋɔrɔ tǝb-n’ɩnyɩʊ kaja ‘ɩshilé akoo-n’ʊɖǝn kʊja ʊ lee ka ʊshilé nɖee GʊGʊ kaŋkulo na ŋkulo nɖee n na yɛɛ anii kagɩkrǝ kaŋyɩɩ kʊceu ma, ɩ man ace Saramaŋga ma.

Kʊshilé ɖe, gɩ faŋa atʊgʊlɔ samaa nɩ gbagbaraa. Naa akʊɖa bʊkɔ mbʊɖee akulo ɩnyɩʊ ɖe ɩ na man na lee ashee anii kagɩkrǝ kaŋyɩɩ kʊceu kanɖi laŋ ma ; ashee samaa ɖe a wala ŋkǝŋ ma.

Gɩ saŋ kɔɔ faŋa pɩ anii kabɔ asʊ̀rá nɖee ɩ ɖa ʊtʊr ashee anii kǝbapi ma, na gaja kɩŋɔrɔ kagʊbɔ gʊfɔlɩ, gaja 2014 gɩ ɖoo na ma na ma.
Gani kaŋkǝm n’atʊga Martɛɛŋ a lam caacaa ɖǝn ashee bayarɩ na babakǝŋja waa, ba yɛ̂ɛ halɩ gaja kaŋɔrɔ asǝbaka ‘ʊboŋu nɩ. Atʊceu ɖe ʊ fana páá ashee atʊ, ʊɖǝn k’a lee nshɩŋyɔ na.

 Atʊɖuú gɩcɩɩca kafoto bayarɩ bʊwalʊ nɩ Saramaŋga
Atʊɖuú gɩcɩɩca kafoto bayarɩ bʊwalʊ nɩ Saramaŋga
 Atʊɖuú gɩcɩɩca kafoto bayarɩ bʊwalʊ nɩ Saramaŋga
Atʊɖuú gɩcɩɩca kafoto bayarɩ bʊwalʊ nɩ Saramaŋga
Malookiya IBRAHIM INUUSA

Laisser un commentaire