Asiibi afɔnɔ ‘aŋɔrɔ tǝb-n’ɩnyɩʊ kaja ‘ɩshilé akoo-n’ʊɖǝn kʊja ʊ lee ka ʊshilé nɖee GʊGʊ kaŋkulo na ŋkulo nɖee n na yɛɛ anii kagɩkrǝ kaŋyɩɩ kʊceu ma, ɩ man ace Saramaŋga ma.
Kʊshilé ɖe, gɩ faŋa atʊgʊlɔ samaa nɩ gbagbaraa. Naa akʊɖa bʊkɔ mbʊɖee akulo ɩnyɩʊ ɖe ɩ na man na lee ashee anii kagɩkrǝ kaŋyɩɩ kʊceu kanɖi laŋ ma ; ashee samaa ɖe a wala ŋkǝŋ ma.
Gɩ saŋ kɔɔ faŋa pɩ anii kabɔ asʊ̀rá nɖee ɩ ɖa ʊtʊr ashee anii kǝbapi ma, na gaja kɩŋɔrɔ kagʊbɔ gʊfɔlɩ, gaja 2014 gɩ ɖoo na ma na ma.
Gani kaŋkǝm n’atʊga Martɛɛŋ a lam caacaa ɖǝn ashee bayarɩ na babakǝŋja waa, ba yɛ̂ɛ halɩ gaja kaŋɔrɔ asǝbaka ‘ʊboŋu nɩ. Atʊceu ɖe ʊ fana páá ashee atʊ, ʊɖǝn k’a lee nshɩŋyɔ na.
[avatar user= »malokia » size= »original » align= »left » /]