Alǝlǝja O-Ɛr-Te-Bee nɩ, ‘ʊjeɖu SIL kaatǝnleeɖu

Alaamɩshɩ afɔnɔ ‘aŋɔrɔ akolontaja ‘ʊshilé tǝb-n’ɩnyɩʊ kʊja na, atʊsoro ABUƉU Aɖamu O-Ɛr-Te-Bee karaaɖiyoo kalǝlǝja ɖǝn a jeɖe atʊ SIL kaatǝnleeɖu. A kpa ma, na gɩ faŋa nɩ atǝmaleeka kabʊɖu. Ʊyɔʊcamka kaaɖu, bʊlei na kɩmaana kambʊpa nleeka kaaɖu, ʊtʊrcamka kaaɖu, ntala ŋkǝka kaaɖu, ayɔkɔ ɩpɛmpɛŋɛka ŋyofotala laŋ kaaɖu.

Gɩ boŋo na nɩ ŋkǝŋ ma, n’a taba atʊsoro ATI KALAM Hakiimu bʊlei aɖʊ atabɔcamka, na ɖaa gɩ sɔlɔ atɩgɩkrǝ anii kabaamʊ ɩ naa sara ma, kanɖi laŋ. Ŋkǝŋ na a cam atʊsoro ɖe ‘ʊwǝlǝ aɖʊ wɛlɛnshɩ gajalɩ gaɖǝn nɩ ashee baa aŋa a rǝ̂ŋǝ bʊkɔɩ bʊ ɖa atɩgɩkrǝ kaŋyɩɩ kʊceu kanɖi laŋ ma.

Gɩ tɩ shee atʊsoro ABUƉU Aɖamu ɖe nsala páá , naa naa nyiŋǝ ŋŋuro nlaŋlaŋa n’ɩŋǝrǝ aɖulinya nɩ na shee nɩ. A naa wa n’ɩsono baa ŋka na a kpa.

Alǝlǝja a tɩ cam bʊlei
Alǝlǝja a tɩ cam bʊlei

 

 

 

 

 

 

 

Mʊstafa ISIFU SƱMAANƱ

Laisser un commentaire