Arɩsǝma yofo ‘aŋɔrɔ anʊntaja kʊshilé tǝb-na-cɩɩnɩ kʊja, gaja 2023 na gɩ ce atɩgɩkrǝ anii kʊfaŋʊ. Amʊ n’ISIFU SƱMAANƱ Mustafa n’AKPAƉO Jabaarʊ, Koɖowar na gǝŋ.
Gɩ ta atɩya akpa ŋkǝŋ naa asǝba ʊfaŋʊ ma, ɩɖe tɩ lee bʊkɔŋkɔŋɔ̀ bʊriu gɩshilikɔnɔ n’anaŋa tǝb-n’ɩnʊn. Bapi mbaɖee ba pɩ kʊshilé ɖe ma, ba yɔgɔ. Bapi basana banʊn ba cǝkǝla pɩ ʊshilé ɖe asɔlɔ wàà, baɖe ba cêre anii. Baɖǝn ba kpa were akam ʊfaŋʊ kʊsǝbʊ, baɖǝn kǝ ba cee kpa na.
Ba lee koŋkaarɩ ashee ʊtʊr. Gɩ ŋǝ wàà, ba lee bapi afaŋa ɩsoŋsono baja. Koŋkaarɩ ɖe gɩ ŋǝ ma, ɩ pala gɩ tɩ ʊtʊr kacaacaa ashee pɩ. Na gɩ lǝ pɩ wàà, gɩ tɩ yɛɛ bawuka basoro na basǝmprǝ nɩ.
Mbaɖee ba lee ʊtʊr kacaacaa ma, bancǝn, basana baɖe kʊɖǝn a ɖa, a lee gapisǝmpi. Ʊni gboo a lee koŋkaarɩ, gɩ kǝɖa anyɛ ashee nɩ, naa ashee nɩ gʊjɔɔ. Gɩ kʊma nɩ páá, aɖʊwaa ansǝbaka njɩ gǝŋ. Acǝŋǝ k’ɩ lee agɩkrǝ na.
Gɩ lee ntǝma halɩ bʊkɔŋkɔŋɔ̀ bʊkolom bʊ saa cei bʊ kǝ̂, na gɩ ɖoo Koɖowar apɩ Bashɩɖɩ atɩya.
UMOORU Alijannatu