Arɩsǝma afɔ́nɔ̀ ‘aŋɔrɔ anyɩʊtaja ‘ʊshilé ganaana n’asiibi ‘ʊshilé cɩɩnɩ na anii kʊyɛʊ kaŋkulo kǝbaja ba wa alee ntǝma. Atǝma nɖee ŋkulo nɖe n lee ma, ɩ yɔgɔ. Atǝma ɖe nɩ gǝŋ, kɛkɛ abʊɖutǝwǝtǝwǝka kayɩɖa, ɩbɔrɩ babʊko n’ʊtonu kayɔkɔloka kayɩɖa.
Ŋkulo n lee ntǝma gboo ayɛɛ bʊlei mbʊɖee bɛrɛ ba na lǝ, ba ta rǝ̂ŋǝ galei gaɖǝn n’ɩ saŋ na pɩ koo na ba kpâ biti. Atǝma ɖe kɩɖǝn nɩ gɩ na laa na faŋa anii kǝbapi baŋunii atɩya gǝŋ :
Kɛkɛ abʊɖutǝwǝtǝwǝka kayɩɖa
Ʊkɛɛshɩɩ
gɩrika : poignet
jinamoo : dynamo
kaarɩya : porte bagage
Ɩbɔrɩ babʊko kayɩɖa
Ʊkɛɛshɩɩ
acɩrɩ kʊl kɩkɩlɩɩkɩɩ
ana yu muu
arama yu mɛɛɛ
ʊce yu bɛɛɛ
ʊkuruci yu hɔŋhɔŋ
Ʊtonu kayɔkɔloka kayɩɖa
Ʊkɛɛshɩɩ
ʊshilikpatɩ : panneau solaire
rʊga : charger
batatʊŋʊkʊrʊgʊ : controleur de charge
Faawɩɩ nɩ kabʊlei bʊ na faŋa ʊciŋkǝrka koo biti ma
Ʊkɛɛshɩɩ
Kiro kiro ! Enfin
Ayɔ ! Jamais !
ŋ́ ŋ̀ ! refuser
Caɩ ! désaprobation
Ayɩɖa ɖe gɩ laa na faŋa anyɩn atɩya ma, k’ɩ lee ɩŋunii nɩ gǝŋ na. Ɩ ta naa yɛ̂ɛ ayɩɖa ɖe ɩŋunii, kabʊpá ɩ ɖa. Ʊɖǝn a ta naa yɛ̂ɛ ɩ, a taa sǝ̂ra aŋǝ abʊpá ɖe.
