Arɩsǝma afɔ́nɔ̀ ‘aŋɔrɔ kulumi kaja ʊshilé akoo kʊja gaja kotoku-banyɩʊ-na-tǝb-na-ganaana na SIL kʊga ʊsǝmprǝ, Stɛfani, a sǝba na ɖʊ anii kapǝrǝ ɛntɛrnɛɛtɩ laŋ na shee anii kasamaa aŋunii nɖulinya nɩ. Anii kʊpi baa apaŋa ʊ ta naa yɛɛ a ŋǝ̂ apǝrǝ ɖe akǝ arǝŋǝ, ɩ ɖa YuTuub laŋ ɛntɛrnɛɛtɩ nɩ.
Ɩ ta kpâ ncǝn, kǝ ma ŋyɩɖa « Anii kaɖaɖaa ». Ɩ tɩɩ ŋǝ̂ apǝrǝ n’atɩgɩkrǝ anii.
Apǝrǝ ɖe ɩ lee caacaa kapǝrǝ nɩ bɛrɛ ba cǝ alʊwaatʊ nɖee ataya ʊŋono GƆMƆ Yaakubu a ci ma na. Ɩ lee koŋkaarɩ nɖee a lee gɩkrǝ anii laŋ ma na.
Na gʊtɔ gʊɖʊka ma.
Aŋɔnka : BABABOƉƖ SAALIFU Nuhum
[avatar user= »nouhoum » size= »original » align= »left » /]