Ɩ yɔ wàà, ɩ san n’atʊ ɖaa bɛrɛ ba sɔlɔ atɩgɩkrǝ kʊtʊr na kʊŋɔn ma aa ! Gɩ yɔ wàà, atana SALIFU Rukeyatu, Penesul kaatǝnsapɩ kabɔŋɔnja, a sɔlɔ anii kʊŋɔn na kʊtʊr gɩshɛbʊ. Aɖʊwaa gɩ lǝ wàà, gɩ tɩ yɛɛ gɩ kâŋa na nɩ. Na gɩ laa tapolii abʊmbɔnɔ a na faŋa anii kakɔ́lɩ ɩ ɖa aske gɩ na togo WasAp laŋ arɩsǝma baa bapaŋa na ma.
Gɩ yɩɖa nɩ wàà, gɩ tɩ yɛɛ gɩ pâra tapolii ɖǝn bagatǝnleeɖu kaakukonu. Gɩ taba nɩ ma, n’a nyiŋǝ ganɔ gatǝnleeɖu kanɖiyar sul, n’a tǝlǝ.
Tapolii ɖe laŋ na, atana ɖe a sǝ̂ra afaŋa bɛrɛ tuutuuma atɩgɩkrǝ kʊŋɔn na kʊtʊr.
[avatar user= »stefanie » size= »original » align= »left » /]