GʊGʊ kaŋkulo n lee koŋkaarɩ bʊlipi bʊcǝpraka bʊɖǝn kanɖi laŋ ashee ɩkrǝ kamboi mbʊmbɔnɔ n ɖa Jugu ma.
Bʊlipi tuutuuma na gɩ cǝpra ashee pɩ. Batǝnleeja babʊɖuɩ ba na lee atǝma ma. Gɩ ta tɔ̂ɔ ɖaa alaafɩya kʊla laŋ ma, ɩlogotoro mbaɖee ba shɩ na lee atǝma ma, bɩbiroo kayɩɖa ɩŋunii. Agbanɩ gboo, gǝŋci gɩ cǝpra ayɩɖa ɖe n’atɩgɩkrǝ anii. Ʊba abʊtǝnleeɖu bʊŋunii kayɩɖa nɩ gɩ shee n’atɩgɩkrǝ anii.
GʊGʊ kaŋkulo n ɖa ashee atɩgɩkrǝ Anii kaŋyɩɩ kʊceu.
Ʊŋono Naasiru a pɩ ka na bʊlipi bʊɖe kabɔ ashee atʊ wàà, ɩkrǝ kamboi mbʊmbɔnɔ n ɖa Jugu ma, n shee ka naa alǝ wàà, GʊGʊ kaŋkulo n kaŋa na pɩ.
Gɩ tɩ shee mboi nɖe kǝbaja n’ʊŋono Naasiru nsala.
