Alaarba gaja kotoku-banyɩʊ-n’akoo-n’ʊɖǝn afɔ́nɔ̀ ‘aŋɔrɔ kulumi kaja ‘ʊshilé kulumi kʊja na Baba BƱRAƖMA Karim, Ʊlampǝl kaja, a jeɖe atǝgatǝnleeɖu SIL Bashɩɖɩ. Na gɩ cam nɩ gɩshɛbʊ.
N’a ŋɔn ɩfaawɩɩ banyɩʊ baɖǝn apɩ na ma. Gasǝbaka jɩ gǝŋ wàà, ɖooɖooɖo arɛ̀ a ta cî, ɖaa ba na lee bʊce ma. Ganyɩʊtaja, ɖaa ba na jɩ gatǝna ma. N’ɩ san n’atʊ, aɖʊwaa atʊ gboo, gɩ ɖa ataɖaɖaa kʊyɛɛyɛʊ nɩ.
Gani kaŋkǝm n’a taba wàà, gɩ tɩ sǝra akaŋa na baɖe ashee anii kʊceru Ʊlampǝl aa ? Na gɩ tǝlǝ ashee nɩ wàà, gɩ tɩ gɩ kâŋa na pɩ.
Gɩ boŋo ma, na gɩ laa foto. A noo ka ma :
