Arɩsǝma afɔ́nɔ̀ ‘aŋɔrɔ anyɩʊtaja ‘ʊshilé tǝb-na-cɩɩnɩ gaja kotoku-banyɩʊ-n’akoo-n’ɩriu na gɩ ɖoo a ce Bashɩɖɩ kakoloji abʊmbɔnɔ anyɩʊtaja nɩ naa afaŋa sukuru kǝbapi atɩgɩkrǝ anii kʊtʊr na kʊŋɔn.
Gɩ ta atǝgafala gabʊmbɔnɔ anii kaaja nɩ ɩɖe saa ɩminti tǝb ashee bʊkɔŋkɔŋɔ̀ bʊriu gɩshilikɔnɔ. Naa gɩ ye kpa ŋkǝŋ, bʊkɔŋkɔŋɔ̀ bʊriu gɩshilikɔnɔ bʊɖe bʊ kǝ aboŋo. Na koloji ɖe kanɖiyar a faŋa atʊ ŋku nɖee nɩ gɩ nɩ gɩ cêre sukuru kǝbapi ma.
Kʊshilé ɖe ayɔkɔ nɖee gɩ faŋa bapi ma na gǝŋ, ɩbii mbaɖee kǝ ba ɖa gɩfɔŋkrǝ nɩ na ma. Bani pɩ gǝŋ : Ɖ, Ǝ, Ɛ, Ɩ, Ŋ, NY, ŊM, SH, Ʊ, Ɔ. Gɩ cere pɩ gboo ɖaa ba na lo ɩbii baɖe ma, na ɖaa ba na ŋɔn bayɩɖa n’atɩgɩkrǝ anii ma. Gɩ boŋo na ŋkǝŋ ma, na gɩ yʊga pɩ GʊGʊ kambʊpá nɖǝn na ba tʊr. Ba tʊr aboŋo ma, na gɩ laa bɛrɛ ganaana aɖoo na ŋyɩɩ na ba tʊr mpǝrǝ nɖǝn nɖee n ɖa GʊGʊ kambʊpá nɖe nɩ ma.
Atʊ bɛrɛ beriu gɩ ce ka ʊfaŋʊ ɖe. Atayɩɖa nɩ gǝŋ : ISIFU SƱMAANƱ Mustafa, AKPAƉO Jabaarʊ n’aŋgɩlopi ŋgɩɖee n ŋɔn gʊbɔ ŋgʊɖe ma, GBAGBAƉOHUŊ Elisee.
GBAGBAƉOHUŊ
Bilal Élisée