Afɔ́nɔ̀ ‘aŋɔrɔ tǝb-n’ɩnyɩʊ kaja ‘ʊshilé akoo-na-ganaana kʊja, na anii kǝbapi basoro na basǝmprǝ ba ɖoo acǝr ɖooɖooɖo kacǝma afaŋa bɛrɛ. Ʊkɛɛshɩɩ nɩ, acǝrá ɖe nɩ gǝŋ ɖaa : ɩbobocɩka, gapɔɔ gafʊka, ɩwolo, jikpo, ɩsuko bacǝma n’acǝma nɖee ɩ shɩ saa gɩ yɔ ɩ wàà, ɖaɖaa kacǝma nɩ ma.
Acǝma ɖe kʊkpeɖu kanɖiyar na gǝŋ ʊŋono JERIWO Aɖamu Ɖin. A cam ʊwǝlǝ ma, a sala samaa aŋunii naa naa lǝ wàà, ɩ sim gɩ tôŋo ataɖaɖaa naa ba yɔ̂ n’atʊ. K’ɩ sim ba yɔ̂ n’atʊ aleu ɩfɔlɩ ɖǝn k’ɩ lee n’atǝbaya babʊmbɔnɔ baleu na ma na. Ɖimi baa apaŋa a sim ba yɔ̂ na nɩ aɖaɖaa kabʊkɔ. Ɩ sim gɩ rî ataɖaɖaa anyɛnyɩʊ. Bʊkɔ́ɩ bʊ nʊʊ pâla ba yɔ̂ ataɖimi na ce na ce ma na gǝŋ.
Kʊboŋu nɩ, bɛrɛɩ ba cɩ ɩbobo ma, ba cam ajɔɔ tuutuuma. Ɩ lee ʊciŋkǝrka ashee GʊGʊ kaŋkulo. Ɩ pala ba laa babʊpá nɖee ɩ na lee ɩbobocɩka kafaawɩɩ ma, ashee ɩbobo kǝbacɩja.
Gaja ga pêle koŋkaarɩ ashee ataɖaɖaa kaleu naa ataɖaɖaa a pàá tɩ li na.
Aŋɔnka : BABABOƉƖ SAALIFU Nuhum
[avatar user= »nouhoum » size= »original » align= »left » /]