Gaja kotoku-banyɩʊ-n’akoo-n’ʊɖǝn kɩŋɔrɔ basǝbaka nɩ, atɩntǝma kaafala gabʊmbɔnɔ nɩ kɩbaatrɩ mbaɖee ba na kaŋa n’atʊ na toŋo ʊtonu ba ta tɔ̂ɔ mpá ŋŋunii kʊja ma, ba ɖʊ atʊ ɩshɛɩ.
Tɔɔ n’ɩŋɔrɔ ɩsǝbaka ɖe nɩ gboo, mpá ŋŋunii kʊtonu ʊ wʊɖa ʊpɛmpɛŋʊ, ba ɖa na pɛmpɛŋɛ ma. Ɩ pala ka gɩ na sǝra na lee ŋyofotala laŋ katǝma na. Atǝma nɖee ɩ shɩ ɖa ashee ʊtonloka ma, ka gɩ na sǝra na lee ɩ tuutuuma ɖaa ɩ sim ma na.
Ama gaja kotoku-banyɩʊ-n’akoo-n’ʊɖǝn kaŋɔrɔ tǝb-n’ʊɖǝn kaja ‘ʊshilé akoo-n’ɩnyɩʊ kʊja nɩ na gɩ fʊba ɩbaatrɩ baŋono naa aɖʊ bafɔlɩ mbaɖee ba wʊɖa lamba [OUTDOO] ma.
Ʊrɔŋ wáá, gɩ wʊɖa ʊtonu ntǝma nɩ tam aŋunii n’ɩshilé ɩŋunii. Baa maa ba ta tɔ̂ɔ mpá ŋŋunii kʊtonu, ʊtonu k’ʊ kɔɔ na mana atɩntǝma nɩ na.
