‘Afɔ́nɔ̀ ‘aŋɔrɔ asǝbaka gaja kotoku-banyɩʊ-n’akoo-n’ʊɖǝn na GʊGʊ kaŋkulo Bashɩɖɩ ŋkǝlǝ̀ Ajegulɛ n ŋǝ nɖi nsono. Ɩgbɛ nɖee a ɖa ashee ɩfǝtǝla ma, ba pɩ ka atɩ fʊba ɩfǝtǝla kagʊyo gʊɖǝn gʊ nyem gʊce ma. Ŋgʊɖee ba fʊba ma, gʊ lee sǝmaŋ kagʊja kʊ.
Ɩ lee ʊciŋkǝrka ashee ŋkulo na ŋkǝlǝ̀ nɩ kǝbɛrɛ mbaɖee ba ɖa ʊtonu kʊlɔ ɖe laŋ ma. Gaja ga ɖʊ̂ ɩkashɩ ba sǝ̂ra afʊba nɖee ɩ saa ʊfʊbʊ mpá nɩ ma, gboo.
