Ʊrɔŋ atalaata afɔ́nɔ̀ ‘aŋɔrɔ anyɩʊtaja ‘ʊshilé cɩɩnɩ kʊja, gaja kotoku-banyɩʊ-n’akoo-n’ʊɖǝn na gɩ boŋo AtaGʊGʊ ɖe, akǝ nɩ kpaarɩ alaa ʊshilé ɖe.
Ɩ lee ʊciŋkǝrka ashee atʊ GʊGʊ kaŋkulo ɖaa gɩ kɔɔ sǝra aɖoo na GʊGʊ ɖe ashee atǝbatʊrka ma. Aɖʊwaa k’ɩ sim ba naa tâm wàà, gɩ yiɖe ŋkǝlǝ̀ njɩ na ; ba yɔ̂ wàà, gɩ naa ɖa.
Naa atǝbʊmaŋkǝli bʊ pàá ɖâ bʊkɔnɔ na ma laŋ gboo na gɩ ɖoo n’akɔ́lɩ kaja ɖe were were, naa gɩ tɩ́ kɔɔ kpa ɩfaawɩɩ asʊ̀rá asʊ̀rá kaja nɩ.
GʊGʊ afɔlɩ ɖe nɩ, caacaa a ɖa ncǝn bɛrɛ ba kǝ̂u ajɩ ajɔɔ ma. Bɛrɛ mbaɖee ba tʊ̂r nɩ gɩshɛbʊ ma, ba nǝ ba sǝ̂ra aŋǝ caacaa ɖe akǝu naa ajɩ gʊjɔɔ ŋgʊɖee gʊ ɖa ncǝn ma.
Gaja ga shêe batʊrka saa !
