Afɔ́nɔ̀ ‘aŋɔrɔ ariutaja gaja kotoku-banyɩʊ-n’akoo-n’ɩnyɩʊ kaja nɩ na gɩ kɔɔ sǝba atɩgɩkrǝ kʊfaŋʊ atʊgʊyá gʊbʊmbɔnɔ nɩ. Gɩ sǝba shɛlɛm shɛlɛm halɩ gɩ kɔɔ tɩ na fana na ɖaa gɩ cee ɖa na faŋa bapi naa Korona kʊshɛɖʊ ʊ kpa naa gɩ pala ma.
Bapi ba tɩ ɖoo cei cei. Ama ba tɩ yɔ na tʊr bʊlei bʊɖǝn cei cei. Gɩ tɩ sǝba bʊkɔŋkɔŋɔ̀ bʊriu gɩshilikɔnɔ halɩ bʊkɔŋkɔŋɔ̀ bʊnan gɩteŋshile. Ka gɩ na goro na lǝŋ ŋkǝŋ na, naa ɩ pàá tɩ́ na kpa bapi yɔgʊʊ na ma laŋ.
Galaŋ gɩ tɩ nyiŋǝ bayà na bana ba lêe koŋkaarɩ na pǝkil babapi na pɩ na gʊyá nɩ alaarba baa apaŋa na ba naa cêrecere bagɩkrǝ kʊŋɔn na kʊtʊr.
IƉRIISU MUNIIFATU