Atɩgɩkrǝ kʊfaŋʊ atɩsukuru babʊmbɔnɔ (ɩkoloji) nɩ

Gɩ kɔɔ sǝba atɩgɩkrǝ kʊfaŋʊ atɩkoloji mána nɩ sǝba n’afɔ́nɔ̀ ‘aŋɔrɔ ariutaja gaja kotoku-banyɩʊ-n’akoo-n’ɩnyɩʊ. Ama Korona laŋ gɩ tɩ́ yiɖe ʊfaŋʊ.

Ba ta tɔ̂ɔ na yɛɛ ba tʊ̂r, k’ɩ kɔɔ na sɔm na pɩ na. Galaŋ gɩ lêe ma koŋkaarɩ ashee atɩgɩkrǝ kaŋyɩɩ kʊceu.

Gɩ sǝba na koloji asǝbaka (CEG1) Bashɩɖɩ. Gɩ sǝba n’anii kɩɩbii, abʊpá ɩjala ɩɖǝnɖǝn, akɔ́lɩ n’apǝrǝ. Ɩ san n’atʊ páá, aɖʊwaa k’ɩ na faŋa wàà, gɩ cee yiɖe ʊfaŋʊ na. Gɩ sǝba ʊfaŋʊ ɖe ma, gɩ ŋǝ wàà, ɩ tɩ ye bapi kpaarɩ.