Aɖɩtɛnɛɛ afɔ́nɔ̀ ‘aŋɔrɔ anyɩʊtaja ʊshilé akoo-na-ganaana kʊja gaja kotoku-banyɩʊ-n’akoo-n’ɩnyɩʊ kʊja na gɩ cam arɛ̀ ɖǝn gɩsaná. Arɛ̀ nɖee gɩ cam gɩsaná ma na gǝŋ, Bashɩɖɩ kʊwalʊ kanɖiyar atana ba na yɩɖa wàà, Ásìyá Alijannatu SAALIU-ARƐKPA ma.
Bʊkɔ́ɩ laŋ atana ɖe a pɩ atɩgɩkrǝ anii kaafala gabʊmbɔnɔ nɩ atɩ jeɖe atʊ ma na gǝŋ wàà, a pɩ pɩ atɩ yɔ atǝgatǝnleeɖu naa aŋǝ ɖaa atabaamaakɔ nɩ ɩ na sara ma.
‘Ʊkpaʊ nɩ, gɩ cam nɩ gɩsaná gɩshɛbʊ naa aman asǝ alee faawɩɩ. Faawɩɩ kaŋkǝm na gɩ tɔɔ atana ɖe ace tɩ faŋa bʊɖuɩ gɩ na lee atǝnsʊra baa ɩpaŋa ma. Ama atana ɖe a pɩ atɩ jeɖe atʊ ma, k’a pɩ anɖǝnɖǝn na, ba pɩ ma, ba pa bɛrɛ bakolom.
Ɩ lee ʊciŋkǝrka ashee atʊ ɖaa ba pɩ atɩ jeɖe atʊ ma.
