Arɩsǝma gaja kotoku-banyɩʊ-n’akoo afɔ́nɔ̀ ‘aŋɔrɔ anyɩʊtaja ‘ʊshilé kulumi kʊja na GʊGʊ kaŋkulo n laa bɛrɛ banan ba ce atɩgɩkrǝ anii kʊfaŋʊ Koɖowar kakoloji nɩ ŋkpalá nnyɩʊtaja.
Ɩ lee koŋkaarɩ ɖǝn na ashee gɩkrǝ kaŋyɩɩ kʊceu. Koŋkaarɩ ɖe na gǝŋ wàà, baɩ na gɩ lêe naa gɩkrǝ anii gɩ cê ŋyɩɩ awu ɖaa wáá ma ? Gɩkrǝ gɩ tɩ ce ŋyɩɩ, ama ɩ saa kagɩshɛbʊ. Naa gɩkrǝ gɩ sâra gɩshɛbʊ, shee na bapi bakoŋkaarɩ kʊceru.
Bʊkɔ́ɩ bʊ pala naa atɩga ba ŋɔn abɔ ashee ɩkoloji kaɖi baja ma na gǝŋ. K’ɩ lal na bani banɖǝnɖǝn na, na ba ŋɔn ashee Miniisǝr nɖee a ɖa ashee ɩsukuru kʊyɔʊ kanɖi laŋ ma, gboo na nyiŋǝ ganɔ. Bani baɖe baŋunii ɩ lee bʊkɔ bʊsoŋsono bʊ ashee pɩ páá.
Ɩ lee ʊciŋkǝrka ashee atʊ gboo ɖaa bapi ba ɖoo gɩshɛbʊ na yɛɛ wàà, ba cêre bagɩkrǝ ma.
BABABƆƉƖ SAALIFU Nuhum