Atʊgʊkamakamabɔ gɩ na yɩɖa wàà, GʊGʊ (Gʊfaŋa Gʊfɔlɩ) ma, kagʊfɔlɩ nɔmba tǝb-n’ʊɖǝn kagʊja gʊ ɖoo.
Ɖaa afaŋa ɩ shɩ na fʊba baa njǝŋ ma, ɩ pala gɩ fʊba gʊbɔ gʊɖe kʊsǝŋkǝlʊ. Kʊsǝŋkǝlʊ ʊ fʊba ma, na kʊyɔgʊ gboo ʊ pele.
GʊGʊ ɖe nɩ, ayɔkɔ ɩsoŋsono ɩ ɖa ka ncǝn. Gɩ para ɩ atǝbʊpapiri bʊŋunii nɩ, bʊmaŋkǝli laŋ n’ɩkoloji mána nɩ, ɖaa gɩ shɩ cee na para ma.
Gani kaŋkǝm, gɩ kɔɔ lee koŋkaarɩ alaa kaŋgʊɖee gʊ nʊʊ fâna n’atǝncacaʊ kɩnyipi gɩ na yɩɖa na gɩfɔŋkrǝ wàà, [android] mána ma.
Ʊrɔŋ wáá, arɛ̀ a taa sǝ̂ra akpa ɛntɛrnɛɛtɩ nɩ abɔ ataGʊGʊ asoŋsono ɖe atʊr ɖaa ɩ sim ma. Kanɖee gɩ para na bʊɖu ma, kambʊsaʊ́ nsǝbaka laŋ kafoto a wʊɖa ka àtó ɩsoŋsono ɖe, ama arɛ̀ a ta kpâ ɛntɛrnɛɛtɩ nɩ, a taa ŋǝ̂ wàà, ŋkǝŋ kɩja ɩŋunii laŋ, àtó ɩsoŋsono ɩ ɖa ɖa tɔɔ na mbʊsaʊ́ nsǝbaka laŋ halɩ mboŋoka. https://revue-gugu.org/dist/pe11/index_blo.html
GʊGʊ kaŋkulo n tɩ shee batʊrkabɔ ɖe nsala.
N’ʊtʊr ʊsoŋsono ma !
