Gaja kotoku banyɩʊ-n’akoo-n’ɩriu kaŋɔrɔ anʊntaja ‘ʊboŋu nɩ, ʊsoro ba na yɩɖa wàà, Matiyas ma, n’ʊpur gapisǝmpi ba na yɩɖa wàà, Rebɛka ma, ba ɖoo na Jaama apɩ Benɛɛ nɩ Bashɩɖɩ atɩ jeɖe atʊ.
Naa ba kɔ̂ɔ bampá Gajaamatǝna nɩ, gɩ jaŋ n’atǝbawor gɩshɛbʊ. Atʊjaŋ ɖe nɩ, Matiyas a faŋa atʊ ɖaa ba na ŋɔn ɩbii na shokolaa kɩbɩskiiti ma.
A ŋɔn afaŋa atʊ boŋo ma, n’atʊ gboo gɩ tɔɔtɔɔ nɩ naa aŋɔn n’atayɩɖa.
Gɩ ŋɔn atɩŋkulo nɩ kǝbɛrɛ mbaɖee ba sǝra apɩ ʊjaŋ ɖe ma, baŋunii bayɩɖa.
GʊGʊ kaŋkulo n tɩ shee ʊŋono Matiyas n’abʊŋʊma bʊŋunii nsala Gajaamatǝna nɩ.
FAFANA Mumuni