Afɔ́nɔ̀ ‘aŋɔrɔ anyɩʊtaja ʊshilé akoo kʊja, gaja kotoku-banyɩʊ-n’akoo-n’ɩnan na Naagayili kǝbaja ba lee bampá kʊwalʊ.
Ʊwalʊ ɖe kʊshilé ʊriutaja na gɩ ce. Atɩ na ce ɖaa bʊkɔŋkɔŋɔ̀ tǝb gajaka ma, na ba tɩ́ sǝba ɩbobo kʊwalʊwalʊ. Ba cɩ ɩbobo gǝŋ wáá halɩ atɩ na ce ɖaa bʊkɔŋkɔŋɔ̀ bʊnan na bʊnʊn kʊfɔɔ nɩ ma.
Bʊnʊn nɩ gɩteŋshile na bɛrɛ ba tɩ́ sǝba na ɖoo. Bʊkolom nɩ na ba tɩ́ shee atʊ ʊwǝlǝ na gɩ laa afaŋa ɩfɔlɩ n’abɔ nɖee gɩ toŋo ace na ma ma, afaŋa pɩ.
Bɛrɛ ba shɩ atabɔ na nɖulinya mbɔlɔka kabɔ nɖee gɩ toŋo ace na ma ma. Ʊshilè kʊciu laŋ, ka gɩ sǝra atɔɔ tam awu gǝŋ na.
Aŋɔnka :
FAFANA Mumuni